Tembung Tanggap

Tembung Tanggap yaiku tembung lingga sing oleh ater-ater tripurasa ( ka, dak, di) lan seselan –in. Ater-ater iku wuwuhan kang dumunung ing sangareping tembung lingga ing pacelathonan. Yen ing basa Indonesia diarani awalan, yen ing basa Inggris punika diarani prefix. Tembung "prefix" kadadeyan saka tembung lingga fix kang nduweni teges "nambahi" lan ater-ater "pre-" nduweni teges "sadurunge" Tembung tanggap bisa kaperang dadi patang warna :

a) Tanggap tripurasa

     yaiku tembung lingga sing oleh ater-ater tripurasa

     Tuladha : kojupuk, dakpangan, dibalangi

b)  Tanggap na

     yaiku tembung lingga sing oleh seselan –in

     Tuladha : Sinengkakake, tinulis, tinubruk, tinemu

c)  Tanggap tarung

     yaiku tembung dwilingga sing oleh seselan –in tripurasa

     Tuladha : sera-sinerat, cokot-cinokot, sawang-sinawang, tulung-tinulung

d)  Tanggap ka

     yaiku tembung lingga sing oleh ater-ater ka-kanthi teges dijarak

     Tuladha : kaobong, kapangan, kagendhong, katulis

Iku mau jenise tembung ing paramasastra basa jawa